17. Keçən axşam həyətdə ailəcə oturanda yaxınlardan bayquş səsi eşidildi. Dayı atamla başladı söz güləşdirməyə ki, bu yapalaq səsidi, yox bayquş səsidi. mama da qıraqdan dedi ki, "hə yaxşı, hər nədisə gedin qovalıyın onu, hardan gəldi çıxdı bədxəbər murdar" atagil bu səfər də birləşib mamaya dedilər ki nə olsun heyvandı da, niyə bədxəbər olur, nə var bunda.
Yazıq arvadı da qınamalı deyil, rəhmətlik valideynləri ölənə yaxın həyətlərindəki ağacın başında bayquş ötüb neçə gecələr ard-arda. Çox adam kimi o da bədbəxtlik gətirdiyinə inanılır.
Gördülər bunların söhbətlərinə biz qıraqdan fransız baxırıq, atagil indi də döndülər bizə isbatlamağa çalışdılar ki pis birşey deyil, batil inancdı sadəcə. Bu sırada adının necə yarandığı haqqda rəvayət mi deyim, əfsanə mi deyim, onu danışdı.
Deməli bu quş uzun zamanlar əvvəl çox varlı bir bəyin evdə saxladığı, bəslədiyi quşu imiş. Zaman keçir, vaxt ötür, bəy ölür, evi, yurdu, cah calalı, bütün mal varlığı xarabalığıa çevrilir. Oralarda adam yaşamır sonra, ama quş da sədaqətindən tərk edib getmir. O xarabalıqda yaşamağa davam edir. Quşu orda görən camaat da "bəyin quşu", "bəy quşu" "bəyquş" deyə-deyə lorulaşdırıb eləcə də qalıb o quşun adı. Bəzən tək tənha qalınan yerlərdə "yurd bayquşu kimi" bənzətməsi də burdan gəlir.


Bilmediğinizden değil canım, Öylesine içimden geldi